Сүп-сар мәсьәләһе Мәскәүҙе лә борсой

Башҡортостан Башлығы вазифаһын ваҡытлыса башҡарыусы Радий Хәбиров һәм Түбәнге Новгород өлкәһе губернаторы Глеб Никитин Рәсәйҙең Тәбиғәт, Төҙөлөш министрлыҡтары, Федерация Советы һәм башҡа ойошмалар вәкилдәренең сығышын тыңланы. Төп мәсьәләне ике блокка бүлергә ҡарар ителде. Волга йылғаһын экологик йәһәттән һауыҡтырыу, тирә-яҡ мөхиткә зыян килтергән иң хәүефле объекттарҙы, ҡалалар биләмәһендәге сүплектәрҙе ябыу мәсьәләләре буйынса Глеб Никитин яуап бирһә, экологик мәҙәниәт, экологик белемде үҫтереү мәсьәләләрен Радий Хәбиров көйләйәсәк.

Июндә Өфөлә Рәсәй Президентының Волга буйы федераль округындағы Тулы хоҡуҡлы вәкиле ҡарамағындағы ҡаты коммуналь ҡалдыҡтар менән эш итеү мәсьәләләре буйынса эш төркөмө ултырышы үткәрелә.

bash.rbsmi.ru