+28 °С
Облачно
ЙӘМҒИӘТ
29 Апреля 2019, 11:29
Иң таҙа райондар ҡайҙа?
Башҡортостан Хөкүмәтендәге оператив кәңәшмәлә беренсе кварталға йомғаҡ яһап, иң таҙа райондарҙы әйттеләр.
Райондарҙы өс төркөмгә бүлгәндәр: “йәшел”, “һары” һәм “ҡыҙыл”. Республика етәксеһе Радий Хәбиров белдереүенсә, әлегә "ҡыҙыл" төркөмгә эләккән райондарҙы әйтмәй торалар.
Рейтингты билдәләгәндә ике шартҡа нигеҙләнгәндәр: беренсенән, ҡаты көнкүреш ҡалдыҡтарын дөйөм күләмдә утилләштереү, икенсенән, сүп-сарҙы айырым туплау һәм йыйыуҙа йәлеп ителгән халыҡ һаны буйынса.
Әле “йәшел” төбәккә 15 муниципалитет ингән: Әлшәй, Бөрйән, Ғафури, Йәрмәкәй, Ейәнсура, Ҡырмыҫҡалы, Краснокама, Миәкә, Нуриман, Шаран, Бәләбәй, Бөрө, Яңауыл райондары һәм Нефтекама, Октябрьский ҡалалары.
