Ағиҙел, Өфө, Нефтекама ҡалаларында уларҙы ремонтлау буйынса йыллыҡ план үтәлгән дә инде.
Соҡорҙарҙы ямау буйынса эш тулыһынса 15 июндә тамамланырға тейеш. Билдәле булыуынса, ихаталарҙағы соҡор-саҡырҙар тураһында граждандар үҙҙәре лә хәбәр итә ала. Бының өсөн махсус “Юл эксперты” ҡушымтаһы эшләй башланы.
Тимур Мөхәммәтйәнов, алыҫ тораҡ пункттарҙа һәм яңы биҫтәләрҙә юлға ҡом-таш түшәлеүен дә билдәләп үтте.
— Ҡайҙа ғына булһам да, район башлыҡтары мине күп балалы ғаиләләргә һәм башка льготниктарға участоктар бүленгән урынға алып бара. Уларҙың күпселеге ҡола яланда урынлашҡан. Ара-тирә йорттар күренә, шуларҙан сығып, кешеләр минән “беҙгә газ, электр, юлдар бирегеҙ”, тип һорай. Юлдар мәсьәләһендә башта уларға ҡом-таш йәйеү ҙә етә. Сахара сүллегендә йәшәһәк, беҙ быны
эшләй алмаҫ инек, ләкин бит бындай төҙөлөш сеймалына төбәгебеҙ бай, — тине республика етәксеһе Радий Хәбиров һәм муниципалитеттарға йәһәтерәк
эш итергә кәрәклеген белдерҙе