Һайлаусыларҙың 15 проценты әүҙемлек күрһәтте

Барлыҡ иҫәп участоктары ла эштәрен киске һигеҙ сәғәткә тамамланы. Халыҡ тауышын лайыҡлы тип тапҡан кандидаттары өсөн бирҙе.

Улар урындағы үҙидарә органдарына, район һәм ҡала советтарына, Өфөнөң Октябрь районы һәм Нефтекама ҡалаһы буйынса Дәүләт йыйылышына өҫтәмә һайлауҙарҙа ҡатнашасаҡ.

Алдан тауыш биреү 28 муниципаль берәмектә үтте. Уларҙа 144 мандат алыштырыла. Участоктар ябылыу вакытына һайлаусыларҙың 15 проценты тауыш бирергә килгәйне. Һөҙөмтәләр 28 майҙа билдәле буласаҡ.

"Ҡыҙыл таң" гәзитенән.