Илдәр тыныс булһын!

1918 йылдың 28 майында РСФСР Халыҡ комиссарҙары советы директиваһы тарафынан булдырылған сик буйы ғәскәрҙәре 101 йыллығын билдәләй.Ә бына байрәм булараҡ ул беренсе тапҡыр 1958 йылда, сик буйы ғәскәрҙәренең 40 йыллығы уңайынан билдәләп үтелгән.

Сик буйы ғәскәрҙәрендә хеҙмәт итеүселәргә йәмғиәттә элек-электән ихтирамлы ҡараш йәшәп килә. Сөнки ил сиген һаҡлау бәхете рухи һәм физик яҡтан сыныҡҡан ир-егеткә генә тәтей. Ҡыҙғанысҡа, һуңғы йылдарҙа сик һаҡсылары сафы контракт нигеҙендә тулылана. Бөгөн республикала төрлө йылдарҙа дәүләт сиген һаҡлаусы меңдәрсә ир-ат иҫәпләнә.

Кисәге ил сиге һаҡсыларын һөнәри байрамдары менән ысын күңелдән ҡотлайбыҙ. Һеҙгә ғаилә бәхете, һаулыҡ, бәхетле матур тормош теләйбеҙ. Йылдарбыҙ имен, сиктәребеҙ һәр саҡ тыныс булһын!

"Дим буйҙары" гәзите хеҙмәткәрҙәре.