+15 °С
Ясно
ЙӘМҒИӘТ
18 Июня 2019, 06:32
Электрон визалар индереләсәк
Владимир Путин Премьер-министрға, көс министрлыҡтары етәкселәренә 2021 йылдың 1 ғинуарынан Рәсәйгә сит ил граждандарын индереү өсөн бер тапҡыр ҡулланыла торған берҙәм электрон виза индереүҙе тәьмин итергә ҡушты.
Әлегә бындай сервис Алыҫ Көнсығыш федераль округына инеү өсөн генә ҡулланыла, ә 1 июлдән электрон виза менән Калининград өлкәһенә барырға мөмкин буласаҡ.
Электрон визалар бер тапҡыр бирелә һәм ҡыҫҡа ваҡытлы — 16 көнгә ҡәҙәр — буласаҡ. Шул уҡ ваҡытта, уның эйәһе Рәсәйгә туристик, эшлекле, гуманитар маҡсаттарҙа, шулай уҡ ҡунаҡ булып килә ала.
Виза түләүле буласаҡ. Әлегә 50 долларға туҡталғандар. Киләсәктә визаны күп тапҡыр ҡулланырлыҡ итмәкселәр.
#владимирпутин
