Дим буйҙары
-10 °С
Болотло
75 лет Победы
Бөтә яңылыҡтар
ЙӘМҒИӘТ
19 Июнь 2019, 13:15

Фекер алышыуҙа ҡатнашайыҡ!

Өфөгә “Хеҙмәт батырлығы һәм даны ҡалаһы” тигән халыҡ-ара почетлы исем бирелеүе ихтимал. Ошо йәһәттән халыҡты йәмәғәт фекер алышыуында ҡатнашырға саҡыралар

Был исем Бөйөк Ватан һуғышында Еңеүгә ҙур өлөш индергән ҡалаларға бирелә. Рәсәйҙә әле ундай баһаға лайыҡ булғандар – 24. Өфө лә ошо иҫәптә булырға лайыҡлы, ти белгестәр.

Баш ҡалабыҙ Бөйөк Ватан һуғышы йылдарында илебеҙҙең терәк үҙәктәренең береһенә әүерелгән. Ул үҙендә ҡырҡтан ашыу предприятиены ҡабул итеп урынлаштырған, шулай уҡ эвакуацияланған 104 мең кеше беҙҙә йәшәү урыны тапҡан. Рыбинск ҡалаһынан авиация заводы (әлеге Өфө моторҙар эшләү берекмәһе) иң ҡеүәтле предприятиеларҙың береһе булған. Һәр өсөнсө хәрби совет самолеты двигателе Өфөлә сығарылған. Ҡалалағы нефть эшкәртеү заводы фронтҡа бер миллион тоннанан ашыу яғыулыҡ һәм башҡа төрлө бихисап продукция ебәргән. Өфөлә ете хәрби берләшмә һәм часть ойошторолған, уларҙың араһында легендар 112-се Башҡорт кавалерия дивизияһы бар.

Республика халҡын Өфөгә ошо исемде биреү буйынса үҙ фекерен белдерергә саҡыралар. Тәҡдимдәрҙе ошо адрес буйынса ебәрергә мөмкин: 450098, Өфө ҡалаһы, Октябрь проспекты, 120. Электрон адрес: [email protected]. Өҫтәмә мәғлүмәтте +7 (347) 279 03 61 телефоны аша алырға була. Тәҡдимдәр һәм иҫкәрмәләр 1 авгусҡа тиклем ҡабул ителә.
Читайте нас в