Дим буйҙары
-9 °С
Ҡар
75 лет Победы
Бөтә яңылыҡтар
ЙӘМҒИӘТ
25 Июнь 2019, 12:42

Үткәндәр тураһында хәтерҙе һаҡлайыҡ

Бөйөк Ватан һуғышының һуңғы залптары яңғырауға етмеш йылдан ашыу үтһә лә, “һуғыш“ һүҙе халыҡ йөрәгендә ауыр шаңдау булып яңғырай.

Хәҙерге кешелектең төп бурысы ул дәһшәтле осорҙоң тарихын һаҡлап ҡалыу һәм киләһе быуындарға тапшырыу. Уҡыу йорттары менән бер рәттән китапхана һәм музей хеҙмәткәрҙәре лә халыҡ хәтерен һаҡлау эшенә үҙ өлөшөн индерә.

Бөйөк Ватан һуғышы башланған көндә беҙ ватанды һаҡлауға күтәрелгән барлыҡ кешеләргә лә хәтер һәм хөрмәт күрһәтәбеҙ. Әлеге иҫтәлекле дата уңайынан район үҙәк китапханаһы “Үткән йылдарҙың изге иҫтәлеге“ тигән тарихи-патриотик сәғәт ойошторҙо, унда район балалар китапханаһы, Бишбүләк тарих-этнография музейы хеҙмәткәрҙәре, Бишбүләк ауылының 2-се урта мәктәбе ҡаршыһындағы йәйге ял лагерына йөрөүсе балалар ҡатнашты. Сарала ҡатнашыусылар яҙма тыңланы – XX быуаттың тарихта иң ҡан ҡойғос һуғыштың башланыуы тураһында легендар Левитандың тауышы менән иғлан ителде. Балалар ҙур һуғыштың кескәй геройҙары, шул иҫәптән беҙҙең райондан да, герой-ҡалалар, һуғыш геройҙары иҫтәлеген мәңгеләштереү тураһында белде. Балалар был һуғышта ҡатнашҡан олатай-өләсәйҙәре тураһында һөйләне, уларҙы ауыл музейы стендында күрергә теләп, фоторәсемдәр алып килергә вәғәҙә итте. Балалар “әҙәби күҙ бәйләү“ уйынында ҡатнашты һәм уҡыу өсөн китаптар һайланы. Сара Еңеү паркында мәңгелек ут янында бер минутлыҡ тынлыҡ һәм беҙҙең өсөн тыныс күк йөҙө яулағандарҙың барыһын да иҫтә тоторға вәғәҙә биреү менән тамамланды.

Людмила Чернова,

Район үҙәк китапханаһының дөйөм секторы мөдире.
Читайте нас в