Дим буйҙары
+23 °С
Болотло
Бөтә яңылыҡтар
ЙӘМҒИӘТ
9 Июль 2019, 22:53

Халыҡ-ара балалар уйындары юғары дәрәжәлә үтергә тейеш!

53-се йәйге Халыҡ-ара балалар уйындары объекттарын төҙөкләндереүгә 4 миллиард һумдан ашыу аҡса йүнәлтелгән. Был хаҡта Башҡортостан башҡалаһы хакимиәте вәкилдәре һәм йәштәр сәйәсәте Һәм спорт министры Руслан Хәбибов белдерҙе.

- "Газпром" компанияһы, уйындарҙың генераль бағыусыһы булараҡ, 150 миллион һум аҡса бүлеп бирҙе. Рәсәй Спорт министрлығынан 15 миллион һум күләмендә өҫтәмә финанслау алдыҡ, - тип билдәләп үтте йәштәр сәйәсәте һәм спорт министры Руслан Хәбибов.

Шулай уҡ, ведомство етәксеһе хәбәр итеүенсә, республика Камышлылағы Спорт әҙерлеге үҙәге төҙөлөшөнә һәм спорт йыһаздары һатып алыуға 3,5 миллиард һумдан ашыу аҡса бүлгән.

Өфө хакимиәте башлығы Өлфәт Мостафин һүҙҙәренә ҡарағанда, ҡала "Кашҡаҙан" майҙансыҡтарын һәм паркын төҙөкләндереүгә 83 миллион һум аҡса бүлгән.
Читайте нас: