"Һанлы иҡтисад"ҡа ярашлы...

Мәғариф, медицина тармаҡтары биналары, полиция бүлексәләре, янғын частары, военкоматтар, һайлау комиссиялары, урындағы үҙидара органдары һ.б. – барыһында ла интернет селтәре буласаҡ. Дөйөм иҫәп – 2700-ҙән ашыу социаль әһәмиәтле объект, тип хәбәр иттеләр Башҡортостандың Мәғлүмәтләштереү буйынса дәүләт комитетында.

Интернеттың тиҙлеге, бәйләнештең төрөнә ҡарап, секундына 10 – 100 Мбит буласаҡ. Эште уҙғарыу операторы быны аукцион һөҙөмтәләренә ҡарап билдәләйәсәк.

“Аукционды 2019 йылдың 19 июлендә үткәреү планлаштырылған. Контракттың башланғыс максималь хаҡы 2,5 миллиард һум тирәһе”, – тип хәбәр иттеләр ведомствонан.

“Һанлы иҡтисад” милли проекты алты федераль проектты үҙ эсенә ала: һанлы мөхитте норматив яйға һалыу, мәғлүмәт инфраструктураһы, һанлы иҡтисад өсөн кадрҙар, мәғлүмәти хәүефһеҙлек, һанлы технологиялар һәм һанлы дәүләт идаралығы. 2024 йылға тиклем проектты дөйөм финанслау күләме – 1,5 триллион һумдан ашыу.

#ВладимирПутин#национальныепроекты#нацпроекты

#региональныепроекты#регпроекты#нацпроектыБашкортостан