+14 °С
Ясно
ЙӘМҒИӘТ
17 Июля 2019, 10:59
Баймаҡ йәштәрҙе көтә
Баймаҡ районының Ирәндек буйындағы Граф күле янында өсөнсө йыл рәттән “Аҫылташ” мәҙәниәт форумы үтә.
Алдынғы ҡарашлы йәштәр тупланасаҡ йыйын өсөн бай һәм мауыҡтырғыс программа төҙөлгән: этноквестар, оҫталыҡ дәрестәре, интерактив фекер алышыуҙар, тренингтар, башҡорт телендәге дебат уйындары, концерт номерҙары һ.б.
Йәштәргә шулай уҡ үҙ проекттарын яҡлап, грант отоу мөмкинлеге лә бар. Быйылғы форумға Мәскәү ҡалаһынан һәм Татарстандан спикерҙарҙың килеүе көтөлә.
Йәш, дәртле, маҡсатлы, белемле йәштәрҙе Баймаҡ ере көтөп ҡала.
