Уҡыусылар биш миҙал яулап ҡайтты

Тель-Авивта уҙған физика буйынса 50-се Халыҡ-ара олимпиадала Рәсәй уҡыусылары 4 алтын һәм 1 көмөш миҙал яуланы.

Әлеге интеллектуаль ярышта 78 илдән 384 уҡыусы ҡатнашты. Олимпиада ике турҙан — теория һәм эксперименталь өлөштән торҙо. Уҡыусыларҙың эшен халыҡ-ара комиссия баһаланы.

Мәртәбәле олимпиадала Мәскәү мәктәптәренән дүрт уҡыусы — еңеүсе, Вологда лицейы уҡыусыһы призер исеменә лайыҡ булды. Улар барыһы ла шул профиль буйынса Рәсәй вуздарына имтиханһыҙ уҡырға инә ала.

Әйтергә кәрәк, Рәсәй йыйылма командаһы физика буйынса Халыҡ-ара олимпиаданан былтыр ҙа биш миҙал алып ҡайткайны. Быйыл да уҡыусылар беренселекте бирмәне.

https://kiziltan.rbsmi.ru