Уҡытыусыларға аҡса бүленә

Уның күләме - 600 мең һум. Быйыл конкурсҡа 196 ғариза бирелгән, 100 иң яҡшы тип табылған 35 йәшкә тиклемге уҡытыусы был грантты алып ҡыуанасаҡ.

Әйткәндәй, Башҡортостанда 1578 уҡытыусы һәм балалар баҡсаһы тәрбиәсеһе етешмәй. Мәктәптәр математика, инглиз теле уҡытыусыларына, балалар баҡсаһы тәрбиәселәргә ҡытлыҡ кисерә. Әлеге һандарҙы Хөкүмәттәге “Белем сәғәте”ндә мәғариф министры вазифаһын башҡарыусы Айбулат Хажин еткерҙе. Уның әйтеүенсә, иң күбе Өфө ҡалаһында педагогик кадрҙар етешмәй – 604 кеше.

Проблеманы хәл итеү юлдарының береһен дә күрһәтте министр. Ауыл ерҙәренә ҡайтҡан йәш уҡытыусыларҙы грант менән дәртләндерергә кәрәк, тине ул.

https://bash.rbsmi.ru