Ирҙәр, Төркиәгә яңғыҙ бармағыҙ!

Туғандарға ла иҫкәрмә яһамайҙар, атай кеше улдары менән генә килгәндә лә ҡунаҡханаға инә алмауы ихтимал.

Бындай ҡағиҙәләр күптәнән икән. Алания, Анталия, Белек кеүек популяр курорттарҙа ла был хәлде күҙәтергә була. Күп отелдәр яңғыҙаҡтарҙы бөтөнләй ҡабул итмәй, ҡайһы берҙәрендә һанаулы ғына бүлмәләр ҡаралған.

Сәбәбе шунда: төрөктәр, «бөтә нәмә ингән» системаһына ярашлы, яңғыҙ ирҙәр ялын тик эсеп үткәрер өсөн генә килә, тип уйлай. Иҫереп алып, төндә шаулап, башҡа туристарға мотлаҡ ҡамасаулап йөрөйәсәктәр, тигән фекерҙә улар.

Шуныһы ҡыҙыҡ: ҡатын-ҡыҙға ҡарата бындай санкция юҡ. Шуға, Төркиәгә барһаң, парлашып бар, тиергә генә ҡала.

https://bash.rbsmi.ru