+13 °С
Облачно
ЙӘМҒИӘТ
23 Августа 2019, 04:15
Ағыу ашауҙан халыҡ ҡырыла ғына...
Воронеж өлкәһендә ошо арала ғына ун кеше ағыулы бәшмәк ашау сәбәпле һәләк булған.
Мәғлүмәттәр буйынса, әле өлкә дауаханаһында 11 кеше дауалана, бишәүһе ауыр хәлдә, икәүһе – реанимацияла.
Табиптар әйтеүенсә, күптәр ағыулы бәшмәкте ашарға яраҡлыларҙан айырмай. Өҫтәүенә ҡайһы берәүҙәр хәле насарланыу менән дауаханаға мөрәжәғәт итмәй ваҡытты һуҙа, былай ҙа үтер, тип уйлайҙарҙыр, моғайын. Ҡайһы саҡта сир айға тиклем һуҙыла.
Тамбов өлкәһендә лә быйыл ағыуланыусылар күп. Дауаханаға эләккән 49 кешенең берәүһе йән биргән. Бәшмәкте тейешенсә әҙерләмәү, санитария-гигиена талаптарын боҙоу бәләгә килтергән. Ә Черкесск ҡалаһында интоксикациянан медицина учреждениеһы хеҙмәткәрҙәре үҙҙәре ағыуланған. Стационарҙың биләмәһендә генә бәшмәк йыйып ашарға уйлағандар... Берәүһен ҡотҡара алмағандар, икенсеһе – реанимацияла. Белгород өлкәһендә тотош ғаилә вафат булған. Үкенескә күрә, беҙҙең Башҡортостанда ла ундайҙар бар.
