Ноябрҙә нисек ял итәбеҙ?

Илдең хеҙмәт кодексына ярашлы, 4 ноябрь – Халыҡтар берҙәмлеге көнө – эшләмәгән байрам көнө. 2018 йылда байрам йәкшәмбегә тура килә, шуға ял көнө дүшәмбегә, 5 ноябргә, күсерелә. Шулай итеп, рәсәйҙәр 3, 4 һәм 5 ноябрь ял итә.

«Йома, 2 ноябрҙә, эш көнө ҡыҫҡармай, сөнки ул байрам алды көнө түгел, — тип һыҙыҡ өҫтөнә алды Башҡортостан Хеҙмәт министрлығының матбуғат секретары Роза Кузьменко. — Рәсәй Хеҙмәт кодексының 10-сы статьяһына ярашлы. Йыллыҡ төп йәки йыллыҡ өҫтәмә түләүле отпуск биргәндә эшләмәгән байрам көнө 4 ноябрь – Халыҡ берҙәмлеге көнө – отпусктың календарь көндәре иҫәбенә индерелмәй».

Халыҡтар берҙәмлеге көнө тәүгә 2005 йылда билдәләнде. Байрам Рәсәй Хәрби даны көндәренә индерелгән һәм 1612 йылда халыҡ ополчениеһының поляк баҫҡынсыларын еңеүенә арналған.