Ботаника баҡсаһында гортензияларҙың 50 төрө сәскә ата

2 сентябрҙән 7-һенә тиклем Көньяҡ-Урал ботаника баҡса-институты өфөләрҙе һәм баш ҡала ҡунаҡтарын «Баҡсабыҙ гортензиялары» экскурсияларына саҡыра. Унда гортензияларҙың 50-нән ашыу төрөн күрергә мөмкин.

2-6 сентябрҙә экскурсиялар — көндөҙгө сәғәт 2-лә, ә 7 сентябрҙә сәғәт 12-лә башлана.

Ботаника баҡсаһының тамашалар залында үҫтереү агротехникаһы буйынса оҫталыҡ дәресе була. Белгестәр Башҡортостан шарттарында үҫтереү өсөн төрҙәрҙең ассортименты, баҡса үҙәктәрендә үҫентеләрҙе дөрөҫ һайлау, гортензияларҙы үҫтереү үҙенсәлектәре хаҡында һөйләй. Оҫталыҡ дәресе тамамланғас, барыһын да да ботаник сәй менән һыйлайҙар.

http://www.bashinform.ru/

Читайте нас