Ялған араҡы етештергән 8 цех ябылған

Спиртлы эсемлектәрҙе етештергән цехтар Бәләбәй, Стәрлетамаҡ, Сибай ҡалаларында һәм Мәләүез, Ҡыйғы, Шишмә райондарында урынлашҡан булған.

Добавить в предпочтительные источники Google

Республикала 7 ай эсендә ялған араҡы етештергән 8 цех ябылған. Был турала Хөкүмәттә үткән оператив кәңәшмәлә ведомство-ара Йәмәғәт именлеге советы секретары Алексей Касьянов белдерҙе.

Республика етәксеһе Радий Хәбиров Өфөнөң Калинин һәм Орджоникидзе райондарында урынлашҡан нөктәләргә лә иғтибарҙы арттырырға ҡушты. Унда кафе булараҡ асылып, шул уҡ ваҡытта рөхсәтһеҙ араҡы һатыу менән шөғөлләнгән нөктәләр бар, тине Радий Хәбиров. Шулай уҡ , ул балаларға араҡы һатыусыларҙы ҡаты язаға тарттырырға кәрәк тине.

2 сентябрҙә Белем көнөндә Башҡортостанда араҡы һатыу тыйылды. “Ҡоро закон”ды боҙоусыларға 40 мең һумға тиклем штраф ҡаралған..

"Ашҡаҙар" гәзите сайтынан.