Башҡортостан 59-сы урында

«Йәшел патруль» Дөйөм Рәсәй йәмәғәт ойошмаһы уҙған йәй йомғаҡтары буйынса Рәсәй төбәктәренең экологик рейтингын төҙөгән. Лидерҙар — Тамбов өлкәһе, Алтай крайыһәм Белгород өлкәһе.

Йәмәғәтселәр Башҡортостанды 59-сы урынға ҡуйған. Волга буйы федераль округының 14 субъекты араһында республика 11-се урында тора.

2019 йылдың яҙ йомғаҡтары буйынса рейтинг менән сағыштырғанда, Башҡортостан исемлектә бер баҫҡысҡа ғына күтәрелгән.

Аутсайдерҙар — Силәбе, Свердловск һәм Иркутск өлкәләре.

Рейтингта илдең 85 субъекты ла күрһәтелгән. Таҙа төбәктәр һауаның, һыуҙың, сығарылған ҡалдыҡтарҙың торошо, йәмәғәт ойошмаларының әүҙемлеге кеүек күрһәткестәрҙән сығып һайланған.

«Йәшел патруль» — эко-рейтингтар төҙөү, тәбиғәтте һаҡлау программаларын һәм сараларын әҙерләү менән шөғөлләнгән йәмәғәт ойошмаһы. Рәсәй төбәктәренең экологик рейтингы миҙгел йомғаҡтары буйынса — өс ай һайын төҙөлә.

http://www.bashinform.ru/

Читайте нас