Дәүләт Думаһы ниндәй тыйыу индерә?

Дәүләт Думаһы күп фатирлы йорттарҙа урынлашҡан һәм уның биләмәһендәге кафела, ресторанда, барҙа алкоголде һатыуҙы тыйыу тураһындағы закон проектын беренсе уҡыуҙа ҡабул итте.

Үҙгәрештәр ошондай күңел асыу учреждениеларының хеҙмәтләндереү залы майҙаны 20 квадрат метрҙан кәм булғандарға ҡағыла. Закон проекты граждандарҙың тыныслыҡҡа һәм ялға хоҡуғын яҡлау, йәмәғәт тәртибен күҙәтеүҙе күҙ уңында тотоп әҙерләнгән. Был тәҡдимде 41 төбәк депутаттары хуплаған.

Хөкүмәт тә, проектҡа төҙәтмәләр индереү шарты менән, яңы законға фатиха биргән. Шул уҡ ваҡытта ул сикләү ошондай йорттарҙың намыҫлы хужаларының килеменә йоғонто яһар, эшҡыуарлыҡ әүҙемлеген, көнәркәшлекте кәметеүгә килтерер, тип хәүефләнә.

"Башҡортостан" гәзите