Йәйге тәгәрмәстәрҙе ҡышҡыһына алыштырыр ваҡыт етә

Яуым-төшөмдән һуң юлдарҙа боҙлауыҡ булыуы бер ҙә ғәжәп хәл түгел. Өфө ҡалаһы мэры Өлфәт Мостафин водителдәрҙе машиналарының йәйге тәгәрмәстәрен ҡышҡыларына алыштырырға өндәне.

Ысынлап та, тиҙҙән боҙлауыҡтар башланасаҡ. Тәгәрмәстәрен ваҡытында алыштырып өлгөрмәүселәр арҡаһында юл-транспорт фажиғәләре һаны артасағын фаразлау өсөн күрәҙәсе булыу кәрәкмәй - йыл һайын беренсе боҙлауыҡтар мәлендә авариялар һаны күбәйә.

Үҙебеҙҙе һәм яҡындарыбыҙҙы бындай бәлә-ҡазанан һаҡлау өсөн хәүефһеҙлек сараларын теүәл үтәйек, дуҫтар!

kiziltan.rbsmi.ru