+16 °С
Облачно
ЙӘМҒИӘТ
17 Октября 2019, 09:27
РЕСПУБЛИКАНЫҢ ИҢ МАТУР АУЫЛЫ — НАУРЫҘ!
«БР Муниципаль берәмектәр советы» ассоциацияһы һәм Башҡортостан юлдаш телевидениеһы тарафынан ойошторолған «Башҡортостан Республикаһының иң матур ауылы» конкурсының тауыш биреү этабына 10 ауыл сыҡҡайны.
Бөгөн БЮТ каналының тура эфирында еңеүселәр билдәләнде. Өс финалист араһынан өсөнсө урын – Шаран районының Дүртөйлө ауылына, икенсе урын – Ишембай районының Маҡар ауылына бирелде.
«Республиканың иң матур ауылы–2019» исеменә Учалы районының Наурыҙ ауылы лайыҡ булды. Еңеүсегә – 500 мең, икенсе, өсөнсө урындарға – 300 һәм 200-әр мең аҡсалата приз тапшыраласаҡ.
Башҡа ауылдар ҙа төрлө номинацияларҙа билдәләнде.
