Ҡурҡмағыҙ, ҡурҡмағыҙ...

Бөтә Рәсәй йәмәғәт фекерен өйрәнеү үҙәге (ВЦИОМ) һорашыуҙар үткәргән дә шундай һығымтаға килгән: халыҡты иң борсоғаны социаль ғәҙелһеҙлек (яуаптарҙың 68 проценты) һәм килемдең түбәнәйеүе (63 процент) икән.

Тағы ла 58 процентын бушлай медицинаның бөтөп барыуы һәм аҙыҡ-түлеккә хаҡ артыуы ҡурҡыта.

Бөтә алынған яуаптың 39 проценты кешеләрҙең ил эсендәге тәртипһеҙлектән, власҡа ҡаршы протестан ҡурҡыуы хаҡында.

Енәйәттең күбәйеүе, эште юғалтыуға улай уҡ борсолмайҙар кеүек (респонденттарҙың 36, 35 проценты, хәүефләндерә, тип яуаплаған).

Рәсәй халҡы халыҡ-ара конфликт сығыуҙан ҡурҡмай тиерлек. Һорашыуҙа ҡатнашыусыларҙың ни бары 20 проценты ғына, ҡурҡыта, тигән.

yeshlek.rbsmi.ru