Дим буйҙары
-13 °С
Ҡар
75 лет Победы
Бөтә яңылыҡтар
ЙӘМҒИӘТ
14 Ноябрь 2019, 11:10

Балағыҙҙың билдәле телешоуҙа ҡатнашыуын теләйһегеҙме?!

23-24 ноябрҙә Өфө ҡалаһының “Йети” балалар үҙәгендә кастинг – балаларҙы Максим Галкиндың “Лучше всех!” тапшырыуына һайлап алыу буласаҡ.

Балағыҙ ҡыҙыҡһыныусанмы йәки етдиме, зирәкме йәки аралашыусанмы, оялсанмы йәки шаянмы, яңы ғына һөйләшә башлаған сабыймы әллә титулдары булған спортсы, артисмы – мөһим түгел! Әгәр ҙә ул һәләтле икән – уны кастингта көтәләр! Йырҙар ҙа, бейеүҙәр ҙә, аныҡ йәки гуманитар фәндәр өлкәһендәге белемдәр ҙә, теләһә ниндәй спорт төрҙәре лә, ҡул эштәре, аш-һыу оҫталығы, шиғырҙар йәки проза – бөтәһе ла бара. Эргәгеҙҙә нимәнелер бик оҫта эшләй белгән кескәй кеше йәшәй икән – кастингҡа килегеҙ!

Һеҙҙе Өфө ҡалаһы, Октябрь проспекты, 34, 3се ҡат адресы буйынса урынлашҡан “Йети” балалар үҙәгендә көтәләр. Тел.: 8-927-937-69-63. Телефон аша алдан яҙылыу мотлаҡ!

"Ашҡаҙар таңдары" гәзитенән.
Читайте нас в