Рәсәйҙәр айныймы?

Иҡтисади хеҙмәттәшлек һәм үҫеш ойошмаһы (ОЭСР) әҙерләгән докладтан күренеүенсә, Рәсәйҙә араҡы эсеү ун йыл эсендә киҫкен кәмегән икән.

Хәҙер донъяла иң күп эсеүсе ил булып Литва һанала. Унда һәр кешегә бүлеп иҫәпләгәндә йылына 12,3 литр иҫерткес эсемлек тура килә.

Рәсәйҙә 11,1 литр ғына. Ун йыл элек ул 18 литр самаһы ине. Иң аҙ алкоголь ҡулланған илдәр араһында Индонезия, Төркиә, Израиль, Һиндостан бар.

Әммә ОЭСР мәғлүмәттәре шик тыуҙыра. Нимә генә тиһәң дә, доклад Рәсәй магазиндарында һатылған араҡыны ғына һанай. Көмөшкә, йәшерен араҡылар иҫәпкә кермәгән. Ә Рәсәй халҡының байтағы, магазиндыҡы ҡиммәт булғанға күрә, шуларға күсте.

https://kiziltan.rbsmi.ru

Читайте нас