Дим буйҙары
-28 °С
Болотло
75 лет Победы
Бөтә яңылыҡтар
ЙӘМҒИӘТ
15 Ноябрь 2019, 20:12

Тәжрибә уртаҡлашыу булды

6 ноябрҙән 7 ноябргә тиклем Мәскәү өлкәһенең Красногорск ҡалаһының “Крокус Экспо” Конгресс холында “Үҫеш нөктәһе” Цифрлы һәм гуманитар профиль үҙәктәре етәкселәре өсөн “Мәғариф” милли проекты: берләшмә, команда, һөҙөмтә“ I Бөтә Рәсәй форумы булып уҙҙы.

Унда Рәсәй Федерацияһының 50 төбәгенән ике меңдән ашыу етәксе ҡатнашты. Башҡортостан Республикаһы Министрлығының әйҙәүсе белгес-эксперты Татьяна Васильеванан торған делегация тәҡдим итте. беҙҙең райондан Бишбүләк 2-се урта мәктәбенең һәм Ф.Кәрим исемендәге Айыт урта мәктәбенең “Үҫеш нөктәһе” Үҙәктәре етәкселәре Екатерина Адеева менән Сәлимә Әминева делегат булды.

Форум башында сәләмләү һүҙе менән Рәсәй Федерацияһының мәғариф министры Ольга Васильева, Рәсәй Федерацияһы мәғариф министры урынбаҫары Марина Ракова һәм “Мәғариф үҫешенең яңы формалары фонды” ФДАУ-ҙың әйҙәүсе белгестәре сығыш яһаны. Форум эшендә цифрлы технологияларҙы һөҙөмтәле ҡулланыу һәм балаларға өҫтәмә белем биреү программаларынан индереү мәсьәләләренә ҙур иғтибар бирелде. “Үҫеш нөктәһе” Үҙәктәрен алып барыуҙың актуаль мәсьәләләре буйынса тәжрибә уртаҡлашыу булды. Түбән Новгород өлкәһе педагогтары “Үҫеш нөктәһе” проектын апробациялау схемаһын тәҡдим итте.

Бөтә Рәсәй форумында ҡатнашҡаны өсөн Башҡортостан Республикаһы кураторы Татьяна Васильева Рәсәй Федерацияһы Мәғариф министрлығының Рәхмәт хаты менән бүләкләнде. Барлыҡ ҡатнашыусылар ҙа Бөтә Рәсәй форумында ҡатнашыу сертификаты алды.

Екатерина Адеева,

Бишбүләк 2-се урта мәктәбенең “Үҫеш нөктәһе” Цифрлы һәм гуманитар профиль үҙәге етәксеһе.
Читайте нас в