Дим буйҙары
-11 °С
Ясна
75 лет Победы
Бөтә яңылыҡтар
ЙӘМҒИӘТ
27 Ноябрь 2019, 10:37

Ҡатын-ҡыҙҙар йорт эштәренә күпме ваҡытын сарыф итә?

Рәсәй статистикаһы ҡатын-ҡыҙҙарҙың мәшғүллегенә бәйле мәғлүмәттәр йыйған.

Улар өй эштәрен башҡарыуға һәм балаларын тәрбиәләүгә йылына уртаса 1608 сәғәт сарыф итә – был өҫтәмә 201 эш көнө. Көнкүреш техникаһы көндәлек мәшәҡәттәренең ваҡытын ни бары 15 минутҡа ғына ҡыҫҡарта.

2013 йылда мәктәпкәсә йәштәге балалар тәрбиәләгән ҡатындарҙың мәшғүллек кимәле 63,7 % тәшкил итһә, 2019 йылда – 67,1 %.

Советтар Союзы заманында уҡ ҡатын-ҡыҙҙарҙың биш проценты ғына етәксе вазифаһын биләгән. Гүзәл заттарҙың эш хаҡы ир-егеттәрҙеке менән сағыштырғанда 20-30 процентҡа түбәнерәк булған. Был хәл хәҙерге Рәсәйҙең хеҙмәт баҙарында һаҡлана: ҡатын-ҡыҙҙар ир-егеттәрҙән 10-20 процентҡа әҙерәк эш хаҡы ала.

Эксперттар билдәләүенсә, Рәсәй Федерацияһы хөкүмәте ҡатын-ҡыҙҙар мәнфәғәтен яҡлаусы саралар күргән: 2017 йылда 2017-2022 йылдарға Милли стратегия ҡабул ителгән. Хеҙмәт баҙарында хоҡуҡтарҙы ҡыҫыуға ҡаршы саралар индерелгән: эш биреүселәргә зат, йәш һәм ғаилә хәле тураһындағы талаптарҙы вакансияларҙа күрһәтеү тыйыла.

Башинформ.
Читайте нас в