Дим буйҙары
+11 °С
Болотло
Бөтә яңылыҡтар
ЙӘМҒИӘТ
29 Ноябрь 2019, 16:44

“Йомро” башлы япондар иҫте китерә ...

Иҫең китер был япондарға! Бер тамсы ҡан тамсыһы буйынса улар яман шеш сиренең ун өс төрөн асыҡлау ысулын уйлап тапҡан.

Toshiba компанияһы белгестәре онкология сирҙәрен диагностикалауҙың өр-яңы әмәлен эшләгән. Бер ҡан тамсыһы буйынса сирҙе билдәләү ысулының теүәллеге - 99 процент! Ғәжәп хәл! Тесты үткәреү үтә ябай – ике сәғәт эсендә бер тамсы ҡанды эшкәрткәндән һуң сирҙең ун өс төрөн билдәләп була, шул иҫәптән ашҡаҙан, эсәклек шештәрен. Ауырыуҙың башланғысында уҡ тест сирҙе “эләктереү” һәләтенә эйә. Компанияның үҙендә ике-өс йылдан, төрлө клиник һынауҙарҙы үткәндән һуң, яңы ысул бөтә ерҙә лә киң тараласаҡ һәм тиҙ үҙләштереләсәк, тиҙәр. Тимәк, яман шеште асыҡлау статистикаһы һиҙелерлек яҡшырасаҡ һәм үлем осраҡтарын кәметеүгә булышасаҡ.
bash.rbsmi.ru
Читайте нас: