Бауырҙан торт

1 кг бауырҙы ит турағыстан үткәреп, ике-өс йомортҡа, бер стакан һөт, самалап тоҙ, борос һәм бер стакан он ҡушып болғайбыҙ. Табаны майлап, ошо массаны йоҡа ғына йәйеп ҡоймаҡ ҡоябыҙ.

4 кишер һәм 4 һуғанды турап, бер аҙ көнбағыш майы һалып, табала ҡыҙҙырабыҙ. Ҡоймаҡтарҙың өҫтөнә, һәр ҡатына һарымһаҡ ҡушылған майонез һөртөп, ҡыҙҙырылған кишер менән һуғанды һалып сығабыҙ. Торттың өҫтөн петрушка, укроп менән биҙәйбеҙ.

"Йәшлек" гәзитенән.