Дим буйҙары
-21 °С
Болотло
75 лет Победы
Бөтә яңылыҡтар
ЙӘМҒИӘТ
10 Декабрь 2019, 18:43

Башҡортостанда математика лицей-интернаты асыласаҡ

2020 йылда Өфөлә һәләтле балалар өсөн математика һәм IT-технологиялар өлкәһендә республика лицей-интернаты асыласаҡ. Был хаҡта Дәүләт Йыйылышы Ҡоролтайға йүнәлтмәһендә республика Башлыгы Радий Хәбиров белдерҙе.

Республикала математика мәктәбен асыу идеяһын билдәле педагогтар Михаил Саханевич һәм Александр Столяров күтәреп сыҡҡан.

Радий Хәбиров билдәләүенсә, шулай уҡ Башҡортостан мәктәптәренең биш көнлөк уҡыу аҙнаһына күсеүе үҙен тулыһынса аҡланы.

“Мин кешеләр фикере менән ҡыҙыҡһындым. Улар: "Эйе", — тине. Һәм беҙ бу аҙымға барҙыҡ. Балаларға буш ваҡыт ҡалдырҙыҡ, ғаилә менән аралашыу, спорт һәм ижади шөғөлләнеү өсөн шәмбе көндәрен бушаттыҡ”, — тине төбәк етәксеһе.

kiziltan.rbsmi.ru
Читайте нас в