+17 °С
Облачно
ЙӘМҒИӘТ
18 Декабря 2019, 09:51
75 кешенең үлеменә иҫерек водитель сәбәпсе
Башҡортостанда быйыл иҫерек водителдәр арҡаһында 75 кешенең ғүмере өҙөлгән.
Эскән килеш транспорт менән идара итеү һөҙөмтәһендә 351 юл-транспорт ваҡиғаһы теркәлгән.
Эске эштәр министрлығының Башҡортостан буйынса ЮХХДИ идаралығы начальнигы урынбаҫары Эльвир Сәғитов әйтеүенсә, иҫеректәр арҡаһында булған юл-транспорт фажиғәһендә һәләк булыусылар һәм зыян күреүселәр һаны һаман күп әле.
«11 ай эсендә 14 067 водитель иҫерек килеш транспорт менән идара иткән өсөн административ һәм енәйәти яуаплылыҡҡа тарттырылған, — ти ул.— Сағыштырыу өсөн: 2014 йылда 36 156 водитель теркәлгән булған. Биш йыл эсендә 2,5 тапҡырға тиерлек кәмегән. Быға ЮХХДИ тарафынан күрелгән саралар комплексы — иҫерек килеш руль артына ултырған водителдәрҙе асыҡлау, тикшереүҙәр, рейдтар, граждандар менән аңлатыу, иҫкәртеү эштәре алып барыу, шулай йәмәғәтселектең дә әүҙем эшләүе булышлыҡ итә”.
