Дим буйҙары
+24 °С
Болотло
Бөтә яңылыҡтар
ЙӘМҒИӘТ
23 Декабрь 2019, 21:25

Шайморатовсыларҙың данын мәңгеләштерәйек!

Киләһе йыл Бөйөк Еңеүгә 75 йыл тула. Ошо датаға ҡарата Бөтә донъя башҡорттары ҡоролтайы, БР Хөкүмәте, БР Милли, Хәрби дан музейҙары «Шайморатов вариҫтары» тип аталған халыҡ акцияһын үткәрә.

Киләһе йыл Бөйөк Еңеүгә 75 йыл тула. Ошо датаға ҡарата Бөтә донъя башҡорттары ҡоролтайы, БР Хөкүмәте, БР Милли, Хәрби дан музейҙары «Шайморатов вариҫтары» тип аталған халыҡ акцияһын үткәрә. Уның сиктәрендә 112- се Башҡорт кавалерия дивизияһы яугирҙары, уларҙың биографияһы тураһында мәғлүмәттәр йыйыласаҡ. Ғаилә архивтарында, мәктәп музейҙарында кавалеристар тураһында яҙмаларығыҙ булһа, хәбәр итегеҙ. Халыҡтан тупланған материалдар буйынса «Шайморатовсылар – 112-се Башҡорт кавалерия дивизияһының легендар яугирҙары» тип аталған биографик белешмә нәшер ителәсәк. Бынан тыш, проектҡа ярашлы данлыҡлы дивизияла хеҙмәт иткәндәрҙең тыуған ауылдарында мемориаль таҡтаташтар, мәктәптәрҙә стендтар ҡуйыласаҡ, телевидениела Рәсәй төбәктәре, БДБ илдәре менән телекүперҙәр булдырып, телемарафон ойоштороласаҡ.

Анкеталар Бөтә донъя башҡорттары ҡоролтайының ВКонтакте сайтындағы төркөмөндә урынлаштырылған. Уны тултырып, [email protected] электрон адресына йәки почта аша түбәндәге адресҡа: 450015, Уфа, ул. Революционная, 43, Всемирный курултай башкир (акция «Шаймуратовцы») ебәрегеҙ.
Читайте нас: