- Быйыл 6 ғинуарҙа – өлөшләтә, 2 июлдә тотош ҡояш тотолоу күренеше теркәлһә лә, республикала уны күҙәтеп булманы. Иртәгәге тотолоу дүңгәләк формаһында буласаҡ һәм иң оҙағы 3 минут 40 секунд дауам итәсәк.
Ҡояш 09.39 минутта сығасаҡ һәм ғәҙәти булмағанса күренәсәк: дискыһының аҫҡы өлөшө “тешләнгән” булып тойолор. Ай ҡояш дискыһын 13 процентҡа ҡаплаясаҡ. Максималь тотолоу 09.43 сәғәттә теркәләсәк. Ҡара тап күҙ алдында бәләкәйләнеп, юҡҡа сығыр һәм ҡояш тотолоуы тамамланыр, - тип аңлаталар Өфө планетарийы хеҙмәткәрҙәре.