Дим буйҙары
-6 °С
Болотло
75 лет Победы
Бөтә яңылыҡтар
ЙӘМҒИӘТ
31 Декабрь 2019, 16:26

“Яңы йыл байрамында бер-ике көн ял итербеҙ ҙә... һәм алға - райондарға!”

Башҡортостан Башлығы Радий Хәбиров төбәктә эш башлағандың тәүге көндәренән үк район-ҡалаларҙа йәшәгән халыҡтың тын алышы менән ныҡлап таныша башланы. Үтеп барған йылды барлағанда, төбәк етәксеһе бөтә район һәм ҡлалаларҙа булып сыҡҡан тип әйтерлек.

“Күҙәтеү идаралығы иҫәпләне – 2019 йылда мин 43 районға эш сәфәре менән сығып, 403 объектта булғанмын һәм 141 тапҡыр халыҡ менән осрашҡанмын. Эш сәфәрҙәрем һөҙөмтәһе буйынса Башҡортостан юлдаш телевидениеһында “Республика LIVE #дома” тапшырыуы 103 тапҡыр эфирға сыҡты. Хәл ҡатмарлы булған урындарға бер нисә тапҡыр сыҡтым: Сибайҙа – алты, Өфөлә – 29, Стәрлетамаҡ һәм Салауатта икешәр тапҡыр осрашыуҙар үтте.

Бара алмаған райондарҙың халҡы алдында ғәфү үтенәм, сөнки иҫәп өсөн йөрөмәйем, ә мәсьәләләрҙе хәл итергә сығам.

Яңы йыл байрамында бер-ике көн ял итербеҙ ҙә һәм алға, райондарға!” – тип яҙған Радий Хәбиров үҙенең “Бәйләнештә” социаль селтәрендәге диуарында.

Тимәк, Башҡортостан Башлығы Яңы йыл каникулын ял итеп үткәрмәйәсәк, ә райондарға сығып, урындарҙағы мәсьәләләрҙе хәл итәсәк, халыҡ менән осрашасаҡ.



Читайте нас в