Мәктәптәрҙә стоматология кабинеттары асыла

Башҡортостан мәктәптәрендә тейешенсә йыһазландырылған стоматология кабинеттарын булдырыу дауам итә.
"Вәғәҙә иттек — эшләйбеҙ. Мәктәптәрҙә 153 стоматология кабинеты инде эшләй, ошо көндәрҙә тағын 61-ендә ремонтты тамамланыҡ. Йыһаздар балалар стоматологияһы өсөн барлыҡ талаптарҙы иҫәпкә алып эшләнгән, яңы, заманса. Бындай яҡты һәм матур кабинеттарҙа балалар тештәрен дауаларға ҡурыҡмаясаҡ”, - тип һыҙыҡ өҫтөнә алған төбәк етәксеһе.
Билдәле булыуынса, республикала “Сәләмәт йылмайыу” модуле индерелә. Әлеге проект сиктәрендә республиканың 800-ҙән ашыу уҡыусыһы булған мәктәптәрҙә стоматология кабинеттары барлыҡҡа киләсәк.