«Әр-Рәхим» мәсетен 2024 йылға төҙөп бөтөргә ниәтләйҙәр

Өфөлә «Әр-Рәхим» мәсетен 2024 йылға төҙөп бөтөргә ниәтләйҙәр. Был хаҡта яңыраҡ Башҡортостандың баш ҡалаһында булып киткән Төркиәнең Ҡазандағы Генераль консулы Исмет Эриканға һылтанма менән «Реальное время» хәбәр итте. Ул республикабыҙ мөфтөйө Айнур Бирғәлин менән ошо мәсьәлә тураһында һүҙ алып барҙы.

Өфөлә «Әр-Рәхим» мәсетен 2024 йылға төҙөп бөтөргә ниәтләйҙәр. Был хаҡта яңыраҡ Башҡортостандың баш ҡалаһында булып киткән Төркиәнең Ҡазандағы Генераль консулы Исмет Эриканға һылтанма менән «Реальное время» хәбәр итте. Ул республикабыҙ мөфтөйө Айнур Бирғәлин менән ошо мәсьәлә тураһында һүҙ алып барҙы.

«Әле Айнур хәҙрәт «Әр-Рәхим» мәсетен төҙөү эштәре менән мәшғүл. Мин уны тышҡы яғын күрҙем: бина, ысынлап та, һоҡланғыс (6 мең кешегә иҫәпләнгән), урыны ла һәйбәт. Төҙөлөш 30 процентҡа башҡарылған. 2024 йылға тиклем төҙөп бөтөргә ниәтләйҙәр», — тип төрөк дипломатының һүҙҙәрен килтерә «РВ».

Төркиә биҙәкләү оҫталары менән проектҡа булышлыҡ итергә әҙер, тип билдәләне Генераль консул. Шулай уҡ төрөктәр биҙәү һәм материалдар менән ярҙам күрһәтергә мөмкин, сөнки Төркиә ҙур мосолман биналарын төҙөү эштәрендә ҙур тәжрибәгә эйә.

Өфөлә «Әр-Рәхим» мәсете 2000 йылдар башында уҡ һалына башлағайны. 2011 йылдан «Урал» хәйриә фонды төҙөлөштөң берҙән-бер бағыусыһы булды. Салауат Юлаев проспектында Өфөнөң иң матур мәсеттәренең береһен төҙөү 2016 йылда туҡтатылды, һуңынан 2019 йылдың йәйендә тергеҙелде. Ләкин, баҫма мәғлүмәте буйынса, аҡса күсмәгән әле. Аҡса күскән һайын эштәрҙе дауам итеү ҡарала, тип белдерҙе Башҡортостан Республикаһы мосолмандарының Диниә назаратындағы сығанаҡ.

Фото: «Башинформ» мәғлүмәт агентлығы

http://www.bashinform.ru

Читайте нас:

Об использовании персональных данных

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хеҙмәте

8(34743) 2-12-83

Редакция

8(34743) 2-11-92

Ҡабул итеү бүлмәһе

8(34743) 2-12-82

Кадрҙар бүлеге

8(34743) 2-12-83