Мәскәүҙә "Башҡортостан" рестораны асылды

Унда сәйәсәт һәм эстрада йондоҙҙары ҡатнашты. Был хаҡта социаль селтәрҙәрҙә республика Башлығы Радий Хәбиров хәбәр итә.

«Мәскәүҙә “Армения”, “Воронеж”,”Саратов” исемле ресторандар оҙаҡ йылдар эшләп килә, “Башҡортостан” рестораны – тәүгеһе, быға мин бик шатмын, – тип яҙа республика етәксеһе. – Башҡорттар һан буйынса Рәсәйҙә дүртенсе милләт, баш ҡалала ла яҡташтарыбыҙ күп йәшәй. Хәҙер уларҙың унда яратҡан ризыҡтарын тәмләргә, беҙҙең көйҙө тыңларға һәм яҡташтары менән аралашырға үҙ мөйөшө була. Беҙҙең аш-һыуҙар һәм ҡунаҡсыллыҡ башҡа ҡунаҡтарға оҡшар, тип ышанам”.