+24 °С
Дождь
ЙӘМҒИӘТ
9 Марта 2020, 12:55
Сирлеләр һаны 17-гә етте
Коронавирусҡа бәйле хәл контролдә тиһәләр ҙә, Рәсәйҙә был ҡурҡыныс сир йоғоуҙың яңы осраҡтары асыҡланып тора.
Роспотребнадзор хәбәр итеүенсә, һуңғы тәүлектә тағы өс кешенең коронавирус менән сирләүе асыҡланған. Барыһы ла - беҙҙең ил граждандары, улар яңыраҡ Италиянан ҡайтҡан. Аныҡлабыраҡ әйткәндә, сирләүселәр Калининград һәм Белгород өлкәләрендә, шулай уҡ Мәскәү эргәһендә табылған. Барыһы ла дауаханаға оҙатылған, ә улар менән аралашҡандар - карантинда.
Шулай итеп, Рәсәйҙә коронавирус йоҡтороп сирләгәндәрҙең рәсми һаны 17-гә етте. Быға тиклем 14 осраҡ теркәлгәйне, улар араһында 11 рәсәйле, ике - Ҡытай, бер Италия кешеһе бар ине.
Фото: Интерфакс
