+20 °С
Дождь
ЙӘМҒИӘТ
11 Марта 2020, 06:10
Тәртип боҙоусылар яуаплылыҡҡа тарттырыласаҡ.
Рәсәйҙә Бөйөк Ватан һуғышында һәләк булыусылар иҫтәлегенә ҡуйылған һәйкәлдәрҙе һәм мемориаль ҡоролмаларҙы юҡ итеүселәр һәм боҙоусылар, емереүселәр енәйәт яуаплылығына тарттырыласаҡ.
Рәсәй Президенты Владимир Путин был туралағы документты Дәүләт Думаһының электрон базаһына индереүҙәрен һораны. Закон проектында “Ватанды һаҡлап һәләк булғандарҙың ҡәберлектәрен, уларҙың иҫтәлегенә арналған бөтә төр объекттарҙы боҙоусылар енәйәт яуаплылығына тарттырыласаҡ,”- тип яҙылған.
Был категорияға һәйкәлдәр, стела, обелиск һәм мемориаль ҡоролмалар, шулай уҡ Ватан һаҡсыларына, һуғыш ветерандарына арналған объекттар инә.
Быға тиклем Рәсәй ҡануниәтендә тарих һәм мәҙәниәт һәйкәлдәрен боҙоусылар йә зыян итеүселәр енәйәт яуаплылығына тарттырыла ине.
#ВВПУТИН
