18 июндә “Торатау” конгресс-холында 19.00 сәғәттә “Башҡорт теле: яңы ҡараш” тип исемләнгән ҙур сара уҙғарыла

Бында башҡорт телен танытыу, өйрәнеү проекттары менән таныштырыу күҙаллана.

Сара оффлайн һәм онлайн тәртибендә үткәрелә, сөнки коронавирус пандемияһы ҡурҡынысы янағанда ҡатнашыусыларҙы бер майҙансыҡҡа йыйыу мөмкин түгел.Бында тик проект авторҙары ҡатнаша, ә киң аудитория өсөн Башҡортостан юлдаш телеканалында һәм социаль селтәрҙәрҙә тура эфирҙа ҡарау мөмкинлеге булдырыла. Сарала башҡорт телен өйрәнеү өсөн видео-дәрестәр, мобиль ҡушымталар, “Бәйләнештә”ге һәм iTunesтағы тәүге башҡортса подкастар,һуңғы йылдарҙа билдәле була барған “Аҫылташ” башҡорт йәштәре бренды менән яҡындан таныштырмаҡсылар.

Сараны Башҡорт телен һаҡлау һәм үҫтереү фонды ойоштора.