Ат сабыштарын яратыусылар иғтибарына!

4 июлдә иртәнге 11-ҙә (урындағы ваҡыт буйынса) “Терра Башкирия” республика турнирына әҙерләнеү сиктәрендә Күгәрсен районының Ишбирҙе ауыл биләмәһе территорияһында аттарҙы һайлап алыу ат-спорт турниры үтә:

- урындағы башҡорт тоҡомло;

- урындағы эш аттары;

- урындағы яҡшыртылған тоҡомло аттар араһында.

Турнирға Күгәрсен районының ауыл хужалығы предприятиелары, крәҫтиән (фермер) хужалыҡтары, шәхси хужалығында ат тотоусылар саҡырыла. Ветеринария справкалары буйынса 8-937-160-3877 телефоны буйынса мөрәжәғәт итергә.

Турнир программаһы:

Урындағы яҡшыртылған тоҡомло аттарҙың 2400 метр дистанцияға сабышы – М.А.Айбасовтың призына;

Урындағы эш аттарының 2400 метр дистанцияға сабышы – крәҫтиән (фермер) хужалығы башлығы С.И.Тужилкиндың призына;

2 йәшлек аттарҙың 1200 метрға сабышы – район хакимиәтенең йәштәр бүлеге призына;

Башҡорт тоҡомло аттарҙың 1400 метрға сабышы – район хакимиәте башлығы призына;

Бәйге – ҡатнашырға теләүселәрҙең барыһы ла 5 километрға ярыша, “Утар” йәмғиәте призына.

Коронавирус инфекцияһына бәйле, турнир тамашасыларһыҙ үткәрелә.

Ойоштороу комитеты:

“Утар” йәмғиәте – т.8-927-358-3588, Р.Ҡорбанаев – т.8-927-089-5319.

Читайте нас

Редакция һайлауы