Бер тәүлектә генә - 103 кеше

Башҡортостан дәүләт автоинспекцияһы бер тәүлектә 2500 юл хәрәкәте ҡағиҙәһен боҙоу осрағын асыҡлаған, шулай уҡ эсеп рулгә ултырған 103 водителде тотҡан.

Граждандар яҡлау дәүләт инспекцияһы мәғлүмәттәре буйынса, уҙған тәүлектә генә 65 юл-транспорт ваҡиғаһы булған. Ике аварияла зыян күргәндәр бар, шулай уҡ йәйәүлене тапатҡандар.

Йыл башынан һанағанда, юл-транспортҡа бәйле 12995 авария теркәлгән.

Мәғлүм булыуынса, һуңғы йылдарҙа юлдарҙың торошона иғтибар артты, уларҙы төҙөү, ремонтлау, хәрәкәт өсөн хәүефһеҙ итеү маҡсатында “Хәүефһеҙ һәм сифатлы автомобиль юлдары” милли проекты тормошҡа ашырыла. Әммә юл хәрәкәте ҡағиҙәләрен теүәл үтмәһәк, милли проектҡа ярашлы күрелгән саралар фажиғәләрҙән ҡотҡара алмаясаҡ. Автомобилгә ултырған һәр кем «тимер ат»тың хәрәкәт сараһы ғына түгел, хәүеф сығанағы ла икәнен онотмаһын ине.

Фото: drave2.ru

Читайте нас