Төркиәләге ялың дауаханала үтмәҫме?

Белүебеҙсә, 1 августа Төркиәгә һауа рейстары рөхсәт ителде. Анкара сит ил туристары өсөн аэропорттар асылғандан һуң, пассажирҙарҙы ҡабул итеү ҡағиҙәләрен асыҡланы. Коронавирус менән зарарланған пассажирҙың күршеләре, мәжбүри рәүештә карантинға ебәрелмәйәсәк. Ләкин уларға тест үтергә тура киләсәк. Тест бушлай. Тест тиҫкәре булһа, туристар ялдарын дауам итә алалар. Ә инде COVID-19 симптомдары табылған ауырыуҙы тикшеренеүгә ебәрәсәктәр. Был осраҡта тест һөҙөмтәләрен көтөү ваҡыты дүрт сәғәткә тиклем буласаҡ. Кәрәк булһа, туристы дәүләт клиникаһында дауаларға һаласаҡтар. Уны дауалау страховка полисы менән ҡапланырға тейеш, сөнки коронавирус айырыуса ҡурҡыныс инфекция тип иҫәпләнә. Әгәр турист карантин арҡаһында ҡабат рейсына һуңлаһа, билет хаҡын страховка компанияһы ҡаплаясаҡ.