Коронавирустан вафат булғандар артты

Башҡортостанда тәүлек эсендә вирусты йоҡторғандар һаны 34-кә етте, шулай итеп, пандемия осоронда барлығы 7 302 кеше сиргә дусар булды.

Оператив штаб мәғлүмәттәре буйынса, бөтәһе 6 502 ауырыу һауыҡҡан. Һаулыҡ һаҡлау министрлығы матбуғат хеҙмәте белдереүенсә, тәүлектә коронавирустан Өфөлә йәшәгән 63 йәшлек ир вафат булған. Әйтеүҙәренсә, ул йөрәк ишемияһы менән сирләгән.Пандемия башланғандан алып, ковидтан бөтәһе 27 ауырыу һәләк булды. Әле 773 кеше дауалана, уларҙың 114-е стационарҙа.

Тәүлектә пневмония диагнозы тағы 78 кешегә ҡуйылған. Барығыҙҙы ла санитария-гигиена талаптарын теүәл үтәргә, битлек режимын һаҡларға саҡырабыҙ.

Фото:Gtrk.tv