Дим буйҙары
-21 °С
Болотло
75 лет Победы
Бөтә яңылыҡтар
ЙӘМҒИӘТ
7 Октябрь 2020, 11:06

Мәктәп ашханаһында үҙебеҙҙә үҫкән алмалар булһын!

Радий Хәбиров республикала алма үҫтереүсе эшҡыуарҙарға ярҙам итергә тәҡдим итте.

“Әгәр беҙҙең балалар учреждениелары менюһында алмалар биреү ҡаралған булһа, был үҙебеҙҙең тәмле, сифатлы һәм файҙалы ризыҡ булырға тейеш, был мәсьәләне ҡарағыҙ", – тине республика Башлығы.

Республикала баҡсаларҙың майҙаны 9 мең гектар тәшкил итә, шуларҙың 86 проценты – шәхси ярҙамсы хужалыҡтарҙыҡы. Уҙған йылда төбәктә 399 тонна еләк-емеш йыйып алынған, улар, нигеҙҙә, көҙгө ауыл хужалығы йәрминкәләрендә һатылған. Шул уҡ ваҡытта был тармаҡтың үҫеш потенциалы бик ҙур.

Хөкүмәт вице-премьеры, ауыл хужалығы министры Илшат Фазрахманов әйтеүенсә, алмағас баҡсалары өсөн майҙандарҙы арттырыу эше бара. Мәҫәлән, уҙған йылда Шишмә еләк-емеш питомнигында алма 11 гектар булһа, быйыл ике тапҡыр күберәк.

Баҡсасылыҡ программалары, еләк-емеш культуралары үҫтереү менән бәйле эшсәнлек төбәк Хөкүмәте тарафынан 2021-26 йылдарға ҡәҙәр раҫланған “Ауыл хужалығын үҫтереү һәм ауыл хужалығы продукцияһы, сеймал һәм аҙыҡ-түлек баҙарҙарын көйләү” тип аталыусы яңыртылған дәүләт программаһы сиктәрендә ярҙам аласаҡ.

Сығанаҡ: https://kiziltan.rbsmi.ru
Читайте нас в