“Наил Ғабдулла улы менән бергә тотош дәүер китә. Уның исеме менән бәйле 20 йыл бишбүләктәрҙең хәтерендә һаҡланып ҡалыр. Бишбүләк районын, уның иҡтисадын үҫтереүгә, йәшәү кимәлен күтәреүгә тос өлөш индереүҙән тыш, ул бөйөк яҡташыбыҙ Кәрим Ғәбдрәүеф улы Хәкимовтың темаһын да әүҙем күтәрҙе һәм әле лә күтәрә. Ошо 20 йыл эсендә Бишбүләк районы һәм уның халҡы файҙаһына Башҡортостандың тиҫтәләгән Хөкүмәте менән уртаҡ тел таба алыуы, өс төбәк етәксеһе менән эшләүе үк уның тәжрибәле сәйәсмән генә түгел, Башҡортостандағы муниципаль кадрҙар корпусы патриархы булыуын да асыҡ сағылдыра”, – тине Башҡортостандың Йәмәғәт палатаһы Аппараты етәксе Шамил Вәлиев уның хаҡында.