+13 °С
Облачно
ЙӘМҒИӘТ
1 Декабря 2020, 12:30
Республикала һәләк булған йәки һаулығына зыян килгән килгән осраҡта ирекмәндәргә пособие билдәләнде
Башҡортостанда һәр кем дәүләт гарантиялары менән яҡланһын өсөн ирекмәнлек эшен башҡарғанда һәләк булған йәки һаулығына зыян килгән осраҡта ирекмәндәргә пособие суммаһы билдәләнде. Был хаҡта республика хөкүмәте президиумы ултырышында белдерҙеләр.
Һаулығына зыян килгән осраҡта ирекмәнгә бер тапҡыр – 50 мең, әгәр һәләк булһа, уның ғаилә ағзаларына 250 мең һум түләргә тейештәр.
Пособие түләү мәсьәләләре Республика ирекмәндәр хәрәкәте һәм йәштәр башланғыстарына ярҙам итеү үҙәге ҡарамағында була, тип асыҡлыҡ индерҙеләр Йәштәр сәйәсәте һәм спорт министрлығында.
«Әйтергә кәрәк, ирекмәндәр эшенең һөҙөмтәләре тәьҫирләндерә, – тип билдәләне премьер-министр Андрей Назаров. – Был ярҙам күрһәтеү ҙә, ғүмерҙе ҡотҡарыу ҙа. Ирекмәндәрҙең ярҙамы баһалап бөткөһөҙ. Ләкин уларҙың да ғүмере һәм һаулығы хәүеф аҫтында. Беҙ барыһын да күҙ уңында тоторға тейешбеҙ».
https://www.bashinform.ru
