+14 °С
Облачно
ЙӘМҒИӘТ
3 Декабря 2020, 11:36
Афарин, Регина Рәдис ҡыҙы!
Бәләбәй районында башҡорт теле һәм әҙәбиәтен иҫ киткес талантлы, һоҡланғыс уҡытыусылар уҡыта. Шуларҙың береһе булған Регина Хәбетдинова илебеҙ кимәлендәге конкурста ҙур уңыш ҡаҙанған.
Ошо көндәрҙә рус теле һәм Рәсәй халыҡтарының туған телдәре уҡытыусылары араһында үткәрелгән вариатив белем биреү программалары конкурсына йомғаҡ яһалды. Ошо айҡанлы Мәскәүҙә дистанциялы һәм ҡәҙимге алымда еңеүселәрҙе бүләкләү тантанаһы үтте.
Конкурс 17 августа башланҡан һәм дүрт этапта үткәрелгән. Республикабыҙҙан ҡатнашҡан 14 уҡытыусының икеһе – Бәләбәй гуманитар-техник колледжының башҡорт теле уҡытыусыһы Р.Р. Хәбетдинованың һәм Өфө күп профилле профессиональ колледжының рус теле уҡытыусыһы Е.Г. Төхвәтуллинаның эштәре иң яҡшылар иҫәбендә билдәләнгән. Улар тәҡдим иткән программалар өсөнсө урынға лайыҡ булған.
belizv-b.rbsmi.ru
