Владимир Путин Сашаның хыялын тормошҡа ашырҙы

РФ Президенты "Теләктәр шыршыһы" хәйриә акцияһында ҡатнашты һәм Тула өлкәһенән 10 йәшлек малайҙың хыялын тормошҡа ашырҙы - ул панданы ҡосаҡларға хыялланған.

Һәм бына 19 декабрҙә Саша ата-әсәһе менән бергә Рәсәйҙең баш ҡалаһына килде һәм Мәскәү зоопаркы хеҙмәткәрҙәре күҙәтеүе аҫтында хайуандар менән аралашты, тренингтар үткәреү өсөн махсус зонала булды һәм уникаль футболка яһаны: Жуи ҡушаматлы панда менән бергә улар футболкаға рәсем төшөрҙө.

Экскурсия ваҡытында Сашаға һәм уның ата-әсәһенә Владимир Путин шылтыратты, Жуи менән осрашыу оҡшанымы, тип ҡыҙыҡһынды, шулай уҡ малайҙы Яңы йыл теләген үтәү менән ҡотланы.

https://kamatannari.rbsmi.ru