Мәҡтәп ашханаларында туҡланыу яҡшыра

Башҡортостанда мәктәптә туҡланыу 100 балл шкалаһы буйынса баһаланған.

Ун белем биреү учреждениеһы 85-100 балл алған. Уларҙың етәүһе - Нефтекамала, икәүһе - Стәрлетамаҡта һәм берәүһе - Октябрьскийҙа.

Күмертау ҡалаһында, Асҡын, Благовар, Бөрйән, Күгәрсен, Мәсетле, Тәтешле, Федоровка, Ҡариҙел, Мишкә, Хәйбулла һәм Шаран райондарында 28 мәктәп 30-59 балл ғына йыйған.

Планға ярашлы һәм пландан тыш тикшереүҙәр үткән тағы 168 мәктәп уртаса һөҙөмтә ( (60-84 балл) күрһәткән.

Билдәләнеүенсә, бер кем дә кире баһа алмаған.